Būtingė
Būtingė | |
---|---|
![]() Die kerk van Būtingė dateer uit die jaar 1924 | |
Koördinate: 56°03′14″N 21°07′11″O / 56.05389°N 21.11972°O | |
Land | ![]() |
Distrik | Klaipėda |
Munisipaliteit | Palanga |
Bevolking | |
• Totaal | 207 |
Tydsone | UTC+2 (OET) |
• Somertyd | UTC+3 (OEST) |
![](https://upload.wikimedia.org/wikipedia/commons/thumb/a/a9/Butinge_terminal001.jpg/220px-Butinge_terminal001.jpg)
Būtingė is 'n nedersetting aan die Litause Oosseekus en digby die grens met Letland. Dit maak deel uit van die munisipaliteit Palanga en is sowat 17 kilometer noord van sy middestad en vyf kilometer noord van die stadsdeel Šventoji geleë.
Die plaaslike olieterminaal in besit van die Litause oliemaatskappy ORLEN Lietuva (vroeër Mažeikių Nafta) is in 1999 in bedryf gestel. Weens die gevaar van oliestortings (op 23 November 2001 is 59 ton olie in die Oossee gestort[1]) is dit die teiken van omgewingsbewustes.
Die Būtingė-terminaal is op die in- en uitvoer van Russiese ru-olie gemik en maak deel uit van 'n groter Litause olie- en gaskompleks. 'n Pyplynstelsel verbind die terminaal met Letland en Rusland. Sedert Julie 2006 is die olieterminaal vir ORLEN Lietuva die enigste moontlikheid om ruolie in te voer nadat die Družba-oliepyplyn uit Rusland deur die Russiese maatskappy Lukoil buite werking gestel is. In 2008 het die Būtingė-terminaal nege miljoen ton goedere gehanteer.[2]
Verwysings
[wysig | wysig bron]Eksterne skakels
[wysig | wysig bron]Wikimedia Commons het meer media in die kategorie Būtingė.
Text is available under the CC BY-SA 4.0 license; additional terms may apply.
Images, videos and audio are available under their respective licenses.