Armdruk is 'n sport waaraan twee spelers op 'n slag deelneem. Elke speler plaas een arm (linker of regter) op 'n plat oppervlak met hulle elmboë gebuig, en gryp mekaar se hande. Die doel is om die opponent se hand op die oppervlak vas te pen. Die wenner se hand moet bo die van die verloorder sin opeindig.

Armdruk plaas enorme stres op die boarm (homerus). Meeste mense se bene is nie gewoond aan die tipe stres nie en beserings word verbasend maklik opgedoen. Tipies kom 'n diagonale breek op of onder die middelpunt tussen die skouer en die elmboog voor.

Om beserings te voorkom is dit belangrik om die skouer stil te hou. Daar moet gesorg word dat die hand nooit agter die skouer in beweeg nie. Dis beter om die skouer so te draai dat jy nooit van die hand wegkyk nie. As 'n skeidsregter so 'n fout sien moet hy dadelik die spel stop.

Wikimedia Commons bevat media in verband met Arm wrestling.

Hierdie artikel is ’n saadjie. Voel vry om Wikipedia te help deur dit uit te brei.