Akademie vir Skone Kunste (Umeå)
| Akademie vir Skone Kunste | |
|---|---|
| Konsthögskolan i Umeå | |
 | |
| Die hoofgebou | |
| Gestig: | 1987 |
| Tipe: | openbare universiteit |
| Rektor: | Roland Spolander |
| Personeel: | 18 |
| Studentetal: | 70 |
| Ligging: | Umeå, Västerbotten, Swede
63°49′15″N 20°16′37″O / 63.8208°N 20.27701°O |
| Webtuiste: | http://www.art.umu.se/en/ |
Die Akademie vir Skone Kunste van Umeå (Konsthögskolan i Umeå) is 'n Sweedse kunsskool aan die Universiteit van Umeå. Die kunsskool maak saam met die Umeå Akademie vir argitektuur, die Desinginstituut, die Bildmuseet en HumlabX deel uit van die Umeå Kunskampus.
Opleidingskursusse
[wysig | wysig bron]Die kunsskool bied twee kursusse in die beeldende kuns aan: die driejarige baccalaureusgraad (BFA) en 'n tweejarige nagraadse Meesterskursus (MFA). Daar word ook kursusse in estetika I, II en III aangebied en somerkursusse word georganiseer. Die opleiding in beeldende kunste bevat praktiese sowel as teoretiese aspekte. Studente leer om te werk met hout, metaal, gips, brons, afdrukke, foto's, video's, klank en rekenaargebaseerde kuns.
Die werk van die studente word sedert 1993 deurlopend in hul eie kunsgalery uitgestal[1] en op die jaarlikse uitstalling wat op die skoolterrein of in die nabygeleë Bildmuseet gehou word.[2]
Navorsing
[wysig | wysig bron]Die kunsskool doen ook navorsing op artistieke basis, verwant aan die nasionale "Artistieke Navorsing skool" (Konstnärliga forskarskolan)[3] en 'n aantal ander navorsingsprojekte.
Geboue
[wysig | wysig bron]Die opleiding is aanvanklik in 'n ou fabrieksgebou naby die Umerivier aangebied, waarvan die fasade in 1909 deur Sigge Cronstedt ontwerp is. Die fabriek is aanvanklik in 1910 geopen en was van die eerste belangrike nywerheid in die stad. Dit was tot 1954 in bedryf. Die ou fabrieksgebou is in 1986 in 'n skoolgebou omskep en die kunsskool het 'n jaar later ingetrek.
In die lente van 2012 het die Kunsakademie verhuis na 'n nuwe gebou, 'n eiendom op die kunskampus. Die voormalige gebou is in 2013-2014 weer verbou en word nou gebruik vir artistieke projekte en huisves die Akademie se kunsgalery.
Kyk ook
[wysig | wysig bron]Verwysings
[wysig | wysig bron]- ↑ (sv) Om Galleriet, lonsthögskolan vid Umeå universitet, geraadpleeg 21 Mei 2014 Geargiveer 8 Mei 2021 op Wayback Machine
- ↑ (sv) Examensutställningar, konsthögskolan vid Umeå universitet, geraadpleeg 21 Mei 2014 Geargiveer 14 April 2021 op Wayback Machine
- ↑ (en) Konstnärliga forskarskolan, geraadpleeg 21 Mei 2014 Geargiveer 8 Februarie 2014 op Wayback Machine
Eksterne skakels
[wysig | wysig bron]- (en) (sv) Webtuiste van die Universiteit
Text is available under the CC BY-SA 4.0 license; additional terms may apply.
Images, videos and audio are available under their respective licenses.
