Սեպտեմբեր
Անվան այլ կիրառումների համար տե՛ս՝ Սեպտեմբեր (այլ կիրառումներ)
| << | Սեպտեմբեր | >> | ||||
| Կի | Եկ | Եք | Չո | Հի | Ու | Շա |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
| 2024 | ||||||
Սեպտեմբեր, տարվա իններորդ, աշնան առաջին ամիսը։ Սեպտեմբերին հարավային կիսագնդում սկսվում է գարունը։ Ունի երեսուն օր։
Ներկայիս տարվա բաժանումը ամիսների գոյություն ունի ավելի քան երկու հազար տարի։ Նա մեզ մոտ է եկել Հուլիոսյան օրացույցի հետ՝ Հին Հռոմից։ Այդտեղից էլ եկել են ամիսների անունները։
Ինչպես հայտնի է, հռոմեացիների Նոր տարին սկսվում էր գարնանը, և ամիսները սկզբում պարզապես համարակալվում էին, առաջինը այն ամիսն էր, որը հիմա կոչվում է մարտ։ Բայց ժամանակի ընթացքում միայն չորս ամիս մնացին թվական անուններով։ Այսինքն յոթերորդից մինչև տասներորդը ներառյալ՝ սեպտեմբեր, հոկտեմբեր, նոյեմբեր և դեկտեմբեր, իհարկե, մարտը հաշվելով որպես առաջին ամիս։ Մնացած ամիսները վերանվանվեցին։
Սեպտեմբերը շարունակում է հաջորդ երեք ամիսների նման պահել թվային անվանումը. լատիներեն սեպտիմ՝ յոթ բառից է։
Հայկական տոմարում համընկնում է հոռի ամսվա հետ։
Կենդանաշրջանի նշաններ
[խմբագրել | խմբագրել կոդը]
Սեպտեմբերին ծնվածների կենդանաշրջանի նշաններն են Կույսը (մինչև սեպտեմբերի 22-ը) և Կշեռքը (սեպտեմբերի 22-ից հետո)։
Իրադարձություններ
[խմբագրել | խմբագրել կոդը]
Սեպտեմբերը շատ երկրներում համարվում է ակադեմիական տարվա սկիզբը։
Մի շարք երկրներ Սեպտեմբերին նշում են իրենց ազգային տոները՝
- Սեպտեմբերի 1-ը Ուզբեկստանի Անկախության օրն է;
- Սեպտեմբերի 2-ին նշվում է Վիետնամի Ազգային օրը;
- Սեպտեմբերի 7-ը Բրազիլիայի Անկախության օրն է;
- Սեպտեմբերի 16-ը Մեքսիկայի Անկախության օրն է;
- Սեպտեմբերի 19-ը Սենթ Քիթս և Նևիս պետության Անկախության օրն է;
- Սեպտեմբերի 25-ին Մոզամբիկում նշվում է Հեղափոխության օրը։
Միջազգային տոներ և օրեր
[խմբագրել | խմբագրել կոդը]- սեպտեմբերի 10-ը Ինքնասպանությունների կանխարգելման համաշխարհային օրն է;
- տարվա 256-րդ օրը (սեպտեմբերի 12-ը կամ 13-ը) Ծրագրավորողների օրն է;
- սեպտեմբերի 19-ը Ծովահենների միջազգային օրն է;
- սեպտեմբերի 21-ը Խաղաղության միջազգային օրն է;
- 4-րդ կիրակին Խուլերի միջազգային օրն է;
- սեպտեմբերի 26-ը Լեզուների եվրոպական օրն է;
- սեպտեմբերի 26-ը Կոնտրացեպցիայի համաշխարհային օրն է;
- սեպտեմբերի 30-ը Թարգմանչի միջազգային օրն է։
Հայաստանում
[խմբագրել | խմբագրել կոդը]- սեպտեմբերի 1-ից սկսվում է ակադեմիական տարին;
- սեպտեմբերի 21-ը նշվում է որպես Անկախության օր;
Եկեղեցական տոներ
[խմբագրել | խմբագրել կոդը]
Սեպտեմբեր ամսվա 11-ից 17-ն ընկած ժամանակահատվածի կիրակի օրը Հայ առաքելական եկեղեցին (ՀԱԵ) տոնում իր ամենագլխավոր՝ տաղավար տոներից մեկը՝ Սուրբ Խաչը կամ Խաչվերացը։ Նրան հաջորդող օրը նշվում է որպես մեռելոց և պետականորեն հայտարարված է ոչ աշխատանքային։
| ||||||||||||||||||||||||||||||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
